100000元的小生意

我這個網誌叫做學做小生意，網址係smallbusiness100000.blogspot.com，我認為如果每一個家庭中最少有一位成員能做到月入100000元，這個家庭的生活就會好過啲，至少可以有能力租屋住、結婚生子、供養兒女、照顧父母及儲錢，其實係每個人都可以做到的。



可能有好多人賺錢好叻，月入何止100000元，如果你月收入唔止的話，其實你可以唔睇這個網誌了，我係想俾一般大眾睇的，堅定大家的信心，不需要好聰明的人才可以月入100000元的，只要你肯努力係人人都可以做到的！我自己就係一個例子，資質平凡、無特別良好的教育背景而自我發奮而達到的，當然我已經去到這個層次，所以真心想話俾年青人知道你都可以！

其實要月入100000元不需要好大生意的，如果你無什麼行差踏錯，幾年時間已經可以做到，不過我自己當年行咗好多冤枉路，所以用多咗好多時間去尋找方向，但如果自己真正行對方向的話，幾年時間係可以做到的，所以關鍵係你嘅方向是否正確！

100000元唔係好多錢，但一般打工人仕係好難月入100000元的，應該職級頗高的才可以達到，所以如果你做生意，但收入只有20000至30000元，不如打工重好嗱！做得生意，起碼收入要高過一般打工人仕的收入，否則為何要咁辛苦呢？

萬事起頭難，小生意都係一樣，雖然係小生意，開始個時都係要親力親為，建議目標可以set低啲，每月如果有一份糧的收入就好了，由小目標開始，你會容易啲做到，從而建立信心，這樣有助你有動力繼續做下去，要持之以恆的，唔好諗住會有捷徑，最好唔好諗重要捱幾耐，因為這些其實是負面的思想，應該保持要有正面的思想，享受當中的困難，另一個講法，如果你唔enjoy，其實你可能不適合做生意。如果100000元的小生意都應付唔到，再大的生意你就更加唔使諗！

「給23歲的您」