如何開始做生意？

開始之前，你問問自己，點解你要去做這盤生意？

因為唔想打工？
因為我識做這種生意？
因為我有idea？



要開始每項生意其實好容易，尤其宜家開業成本好低，好多生意在家中都可以開始，不過點解你要開始，你要自己好清楚，有啲人會因為覺得有利可圖，又有啲人會覺得我比別人做得好，又有啲人會覺得有一個機會來到，所以想試下，其實係會有好多不同的原因，不過，我覺得這些都唔係一個好好原因，導致到你要去做生意，我當年開始的原因係因為想建立一個屬於自己的事業所以開始的，這個好重要，因為係由自發開始的，不是外在原因而引起的。

由於係自發的，所以往後的成長路上，都會向着這個方向自發起來，需知道生意之路一但走上，如果你想最後得到成功，將會是一條不斷學習之路。

選擇好重要，我都好同意的，最好選擇你自己有興趣嘅行業，因為你開業之後，要用好多好多時間去建立的，如果本身興趣不大，每當遇到困難時，你會好容易就放棄，這樣點可以成功呢？成功其實係由解決咗好多好多困難而成的，每次解決一個困難，意味住你距離成功又會近咗少少，呢個係我親身體驗過的，所以不要怕困難。

除咗有興趣之外，當然係要有前景，所以你要了解當時你身處的社會環境將會怎樣，唔係叫你去預測，你自己一個人好難做到咁多野的，不過宜家呢個年代網上/youtube裏面已經會有好多好多懂得世事分析的專才，足夠你去了解大約的情況而去作出選擇，當然記住只係參考，唔可以盡信，最終都係要靠自己判斷。

有興趣，有前景之外，如果能夠真真正正幫到別人的話就更好了！任何一種生意，本質上應該係可以幫到別人解決某些問題的，例如：花店幫助男仕在情人節送花給女友表達愛意、迷你倉解決生活空間不足的問題 或 自助洗衣店解決劏房戶無洗衣機洗衣的問題等等⋯⋯，這樣的生意係對社會有益的，係正面的，這樣才是好的生意選擇，記住係要真真正正幫到別人！

「給27歲的您」