什麼才是生意？

什麼才是生意？

這個問題，近年好多年青人都有少少誤解了創業即係做生意，其實創業係再高難度好多的，而且本質上係唔同，所以如果誤解咗就會方向錯咗，方向錯咗的話跟住走落去都會有問題，所以如果你只係想做生意，應該係向番做生意的方向才對。



做生意嘅方向係好直接，要賺錢！而我嘅方針係合理地賺錢！什麼是合理同不合理？例如我寫這篇文章時，是全球冠狀病毒肺炎疫情的時候，如果你係做葯房的，你以天價賣出口罩，這樣做生意就係不合理地賺錢！又例如有啲人的生意係靠欺騙而得來的，在宣傳過程中自稱什麼什麼NO.1、自己話自己係最好個啲，但其實什麼都不是，無錯！社會上真係有人會信的，你係會有生意返來的，不過這些都是不合理地賺錢！不會長久的！記住君子愛財，要取之有道！做生意要有道義，這樣才可以長做長有，達致雙贏，不應取巧。

定價要合理，質素要講究，服務要真誠，這些都是基本要求！

定價要合理：
如何才知道是否合理？呢個問題係比較難定的，但都會有辦法的。例如同行的定價是怎樣，在最初開始時何妨照跟？這個是最快可以開始生意的方法，不過我唔會一開始就定比同行平，因為這樣做法太低莊了，你已經抄人，重想搶人地生意？這事不應該的！你開始之後要極力尋找自己獨有的營運方法，包括：服務方式、產品的類別以及效率提升，這樣做的話會慢慢建立到差異化，可能因此你的售價比同行高返而因質素好效率高，客戶返而選擇你。

質素要講究：
如果你想你的生意係長做的，這個係一個不爭的事實，必須設法全面地提高你整間公司的質素，包括：服務態度、環境、對人對事、運作以及產品，各方面都要盡你當時的能力令佢最大化，所以要多思考、多觀察同埋多學習別人的做法。

服務要真誠：

真誠的意思係在建立生意時你應該已選擇了一些真係幫到客人的產品，所以在介紹俾客戶時，你應該要推介一些"真正"幫到客戶的產品，不應只要客戶願意買你就賣，除非客戶自己真心覺得需要買，否則一定要介紹你真係認為適合的產品俾客戶。一些唔好的例子，見過有啲地產sales明知那單位唔好，但因客戶睇唔到而買咗，購入後才知道這間屋有些什麼什麼唔好，但已買咗，無得後悔了，這個客戶以後都唔會再揾這個sales了，其實應該以"誠"待客，協助客戶選購最適合的。

我自己多年來就係深信這三個宗旨去做的，雖然可能起初發展比較慢，但係慢慢才可以建立的事情，其實係最不容易失去的。

「給27歲的您」