初出社會做網上生意？

記得係1999年個時，要話係網上賣嘢，應該無幾多人會相信可以，時至今日已經唔同晒，開個淘寶ac已可以賣，開個IG/FB ac又可以賣野，非常容易！不過，年青人讀完書就出來做這些生意，感覺上有點兒急進了。我認為一個人讀完書應該先找工作去做，最好要在社會打幾年工先，了解社會多些，學習做人做事，學習別人的生意運作及思考方法等等⋯⋯都係需要時間的。



最初的幾年時間，如果你有用心做的話，一定可以尋找到適合自己的發展方向，如果你話揾唔到，只係因為你未夠努力，你要知道，有些人比你幸運，佢地生於一個幸福家庭，由細細個已經開始栽培佢，18歲已經周身刀，張張利，你仍有條件懶惰嗎？如果你生於一個普通家庭，你的努力就應該在讀完書之後正式開始。

講番初出社會應該做網上生意嗎？我個人覺得不太建議，我建議先做些比較傳統的生意或者是一種傳統生意但網絡化中的都可以，如果係純網上的生意就不建議，例如自己寫個App，之後放上網等人download，要知道寫個App賺錢係極高難度的事，點解要向高難度挑戰呢？記住如果你係想創業的話，寫個App可能係啱方向，如果你只係想做生意，應該係追求合理地賺錢，唔好攪錯、唔好太理想、唔需要改變世界的，這個太偉大了，係偉大但不實制！

點解建議先做些比較傳統的生意呢？因為傳統生意，一般都係經歷了多年的磨練而成的業務，可能初初係好多人眼中都唔算係一種生意，只係隨着時間，建立了一定成績後，又有好多人入行，這種生意興旺起來，之後好多人才覺得這是一門正當生意。例如保險行業，大約1990年時，其實保險業都唔係好多人相信，所以當時如果做保險其實應該幾難做，唔似得宜家人人都會買，已經覺得係人生理財的主要部份之一，所以先去打工做一些傳統生意的業務，係可以在當中了解"一門生意的成長過程"，日後你就可以作為參考，再加以運用當中的優點來建立自己的生意。

另一方面傳統的生意一般都要面對客戶，你必需要有銷售能力，而這種能力讀書時期一般係好難培養的，所以只好在出來社會工作時多加練習，試想想由你出來社會見工、向你心儀的對象表白或者工作上見客戶時，全部都要靠你的銷售能力，所以這方面越强你未來的路越容易行。

「給23歲的您」