網誌由此開始

點解開始這個網誌，如果要講，係可以有好多原因。其中一個主要嘅原因係因為我有了一個女兒，為了佢，我希望將我的過往做小生意的經驗記錄下來，等佢第日大個可以睇返佢爸爸以前做小生意的經驗，希望對佢日後有幫助。

另一個原因，因為近年社會上的人，對各種的人生方向都不太清楚，所以我希望透過網誌，記錄一下我自己行過的一種人生方向，希望給選擇同我相同方向的人可以較清楚知道自己的未來會是怎樣的，從而能堅定地實淺下去，好似"火影忍者鳴門"一樣堅定信念，貫切自己的忍道。

再一個原因，這個網誌我希望給較年青的人睇的，希望佢地可以睇到一個更真實的過案，能夠對自己的未來抱有信心及希望，其實佢地係可以有好的未來，所以我會盡量將做小生意的一點一滴記錄係度俾您地慢慢睇，分享俾大家。

點解我主要係想講做有關小生意呢？因為我無做過大生意，我都唔識，所以如何分享大生意的經驗呢？不過我過人覺得唔係人人都適合做生意的，更何況做大生意，大生意要顧及的事情及壓力太辛苦了，真係唔係個個都可以接受的，相比起如果做小生意做得出色的話，我覺得一樣可以過一個唔錯的人生，而且可以更容易work-life balance，所以我喜歡做小生意。

如果學識做小生意有好多好處的，你嘅人生時間可以自由好多好多，而且收入方面比起一般打工人士更高或隨住時間經驗未來可再更提高，因此學習做好小生意，能令你更容易掌握自己的未來。

「給20歲的您」